انا قلت أدخل أعمل حلقة خاااااصه عن مااااتش المنتخب النهارده مع البرااااازيل كان فظيييييييييع مينفعش نسكت ابدا عن هذا الحدث التاريخى
قلت اعمل زى وائل الابراشى لما عمل حلقه خاصه عن قضية هشام طلعت يعنى وائل احسن مننا فى ايه؟
بس حقيقى النهارده المفروض نرفع القبعه للمنتخب حقيقى حقيقى كانووااا راااائعين جدا حاجه كده تفتح النفس مش الماتش اللى كان مع الجزائر اللى رفعلنا الضغط كان ماتش فى منتهى البروووود حتى الاجوال نفسها كان بااااارده ورخمه أمر من حلقات عمو كرومبو والله والمهم انه كان ليلة الامتحان قلت يعنى هى نقصاكم الماده كانت نيله وتيجوا تكملوا علينا ههههههه بس الحمد لله كله بيعدى
بس النهارده المفروض هيكل يكتب عنه فى التاريخ لانهم لعبوا بضمير
على رأى محمد أخويا كل لما كنت اعمله حاجه مش حلوه يقولى هى قلة الضمير ههههههههههههههه فعلا الواحد لما يعمل حاجه بضمير واتقان بتكون النتيجه مختلفه تماما
عموما ننتظر الباقى ونشوف اخرتهم اييييه؟
وربنا معاهم ومعانا ويبطلوا يجيبوا الماتش ليلة الامتحان
هناك 14 تعليقًا:
فعلا حدث ما لا يتوقعه عاقل
بجد كانو رجالة
نرفع لهم القبعات
السلام عليكم
ازيك ياجميل اخبارك ايه
اسمك سمر معقولة هتخلينى احبك اكتر هههه
انا بقى ماليش فى الكورة خالص بس شوفت جزء من الماتش ده
تحياتى
انت ليك فى الكورة كمان
طيب
مش مشجع ولكن انتمائى يجعلنى اهنئ الفريق المصرى على هذا النجاح مع فريق السامبا
والله كنا هنقطعهم
رجالة رجالة بعد ماكنا بندعى النتيجة تبقى قليلة كنا هنكسب
فرق كبير
حسن شحاتة وعياله كانورا رجالة ووقفوا وقفة رجالة على راى محمود المليجى
هنشوفلك حل فى حكاية مواعيد الماتشات دى
متقلقيش ركزى انت بس ومتذاكريش ولا كلمة
ايووه ماشاء الله عليهم كانوا رجاله
بس البرازيل بردوا كانوا داخلين واثقين وبيتمشوا لحد مافاقوا بعد ماجبنا فيهم جونين
هما كانوا فاكرين الماتش ساهل وداخلين واثقين
انما ايطاليا اقوى دفاع ف العالم ربنا يستر منها
ووالله مش كويس اننا نفرح بمجرد "تمثيل مشرف" عشان الفوز بس هو الي بيتسطر ف التاريخ ياقمر
سلاااااااااام
بصي انا ماليش في الكوره بس سمعت خير اللهم مااجعله خير ان احنا كنا بنلعب كويس
الحمد لله ان لسه في حد في البلد بيعمل شغله بضمير
تقبلي مروري
مسدس صغير
فعلا كان حدث زمان لكنه دخل فى خبر كان دلوقتى هنزل القبعات تانى هههههههه يلا خير متعوضه ان شاء الله
جوجو
منورانى دايما والله تخيلى طلعت سمر ولا حد دارى هههههههههههه وابقى سلميلى على صاحبتك كتير
وليه بقى ملكيش فى الكورة لازم يكون عندك فكره على كله بس كان ماتش حلو فعلا
اللى موش عارف يتغير
اه طبعا امال مينفعش يكون ليه غير فى القانون وبس الانسان طول مابيخرج من نفس لازم يكون على درايه بكل شىء
غير معروف
ليه مش مشجع ده الكورة دى حاجه تانيه خالص
بشكرك على زيارتك
حلم بيعافر
خلاص خلص موضوع الماتشات ده وكل سنه وانتوا طيبين
ميرسى على زيارتك
مونى الشريف
فعلا عندك حق والله الفوز هو اللى بيتسطر فى التاريخ اما اللعب الجميل ماهو الا ذكرى جميله
نورتى يامونى
ديالا
اولا بشكرك على زيارتك الجميله
وفعلا كويس جدا ان لسه فيه حد بيعمل شغله بضمير
إرسال تعليق