شقع بقع
أنا الأديب و لا تعرفنيش
تقرألي لكن ما تشوفنيش
كلامي لا هو مادهون ورنيش
و لا المعاني عليها غبار
شقع بقع يا ديل الفار
***
يا شعب مصر يا خم النوم
ما تفوق بقى و تشوف لك يوم
الثورة قامت في الخرطوم
و انت اللي نايم بالمندار
شقع بقع يا ديل الفار
***
يا شعب ثور داهية تسمك
و شيل أصول أسباب همك
عصابه
بتمص في دمك
و الاسم قال ضباط احرار
شقع بقع يا ديل الفار
***
أخدوا اليهود غزة و سينا
و بكرة يبقوا هنا وسطينا
و الراديوهات بتغدينا
خطب و نتعشى اشعار
شقع بقع يا ديل الفار
***
الشيخ امام قال كلمة حق
و الست سومة قالت لأ
و أبو النجوم على ودنة اندق
في المعتقل و الدنيا نهار
شقع بقع يا ديل الفار
**أحمد فؤاد نجم **
هناك 19 تعليقًا:
انا قولت دى بايعة ولا ايه القى احمد فؤاد نجم
هههههههههههههههه لقيتي القصيده دي في انهي مصيده
لا بجد حلوه وحلوه صورة الفار الفظيعه الشنيعه دي
طبعا كلام نجمنا احمد فؤاد نجم لا غبار عليه
هستناكي علشان العزومه اللي هتعزميني عليها علشان نجاحي هههههههههههههه
جميله جدا بس ايه دا تقولى فى المدونه عندى مش هتكلم وانت يا حرام مليان كلام
يلا ربنا الحافظ زى ما قولت
وبعدين ملقتش فار احلى من كدا
انا مبحبش الفيران اصلا اعااااااااا
بشكرك على الطرح الجميل لما اعجبك واكيد زوق رائع
العيسوى الصغير
ههههههههه لاء بايعه مين احنا فينا من الكلام ووقت الجد هنقول منعرفش حد اسمه احمد فؤاد نجم هههههه
اشكرك على التعليق وبجد شرفتنى ونورت المدونه
thunder
هههههههههههه هو قسم اول السبب لو كان قسم تانى كنا هنقول كلام تانى خالص ههههههه
كل سنه وانت طيب وعيد ربيع سعيد عليكم والحياه بقى لو نها بمبى ههههههه
نورتنى بجد بتعليقك
صمت المشاعر
ههههههههه لقيتها ف مصيده الشعب بس ايه رايك فى الفار ده ده اخر صايحه يابنتى حاجه كده مودرن هههههههههه
وبعدين بطلى اشتغالاتك دى العزومه عليكى ياحبيبتى هو انا اللى نجحت ولا انتى يلا ع ايميلات يالولا
nour shahen
ههههههههه اصل بابايا قالى يانور متكلمش بره بيتنا ف سيرة الناس هههههه فقلت اتكلم هنا بقى
وبعدين الفار مش عاجبك ليه ده حتى شكله نونو خالص هههههه هو فيه حد عاقل اصلا يحب الفيران
نورتينى يانور بجد
بجد القصيده جميله اووي ..
على قد ما هيا صغيره على قد ما كل كلمه فيها معبره .. تسلمي ..
يااه من احلى قصايده
ميرسي على النقل المميز
اوروفوار
قول يارب
كلنا بنقول يارب
رغم الاحوال اللى بمصر اللى وصلت من السوء الى الاسوء
الا انى مش عارف ليه رافض فكرة الكلام وبس
عاوزين افعال وحلول جذرية
ازاى هو ده اللى المفروض نفكر فيه
شقع بقع يارب تقع هههههههه
تحياتى
هههه اى الجمال ده ...
تحياتى
السلام عليكم
ازيك ياسمسمه عامله ايه
حلوه القصيده وخاصة
أخدوا اليهود غزة و سينا
و بكرة يبقوا هنا وسطينا
و الراديوهات بتغدينا
خطب و نتعشى اشعار
شقع بقع يا ديل الفار
دمتى بكل خير وسعاده
ههههههههههههههههههههه الرجل اذ ربما سمع العصيدة بتاعت احمد فؤادز منكايوا فؤادز ابسترف الملكية .. راح عامل علاوة 10% ال كدا بقى الاشية هتبقى بمبى بمبى يعنى والاسعار هتثبت والاجور الحد الادنى هيرتفع والناس هيمسكوا فى وظائف حلوة ومصر نورت من غير كهربا هههههههههههههههههه
اظاهرى ياله بى بوست جديد بلاش تنفيذ الاحكام دا
حباية بندول
هيا فعلا من القصائد الجميله لاحمد فؤاد
وبجد نورتينا جدااااا ياجميله
طهقانه
هههههه انتى ليه طهقانه هيا فيه حاجه تدعو الى الطهقان هههههه
بجد نورتينى وتسلمى ع تعليقك
ذو الوجه المبتسم
ربنا يجعلك دايما مبتسم ان شاء الله ,وعندك حق فعلا كلنا زهقنا من الكلام واكيد الكل يتمنى وجود حلول جذريه واهو بنحاول نلاقى اى حلول وعاملين زى اللى بيدوروا على ابره فى كوم قش كما يقال وربنا يتولانا برحمته
نورتنا جدا جدا
well
هههههه هيا دى ابداعات احمد فؤاد
نورتنا بجد بتعليقك
صمت الحنين
ام حنه يامرحلا يامرحلا هههههه نورتينا جدا والمدونه والنت من كتر الفرحه فصلوا شحن هههههه
اشكرك على التعليق ياصاحبى وخلى بالك من حنين البنوته امانه فى رقبتك ههههه
نورتينا يامونى
thunder
ههههههه شفت اهى الحكومه مقدرتش تستحمل القصيده قالت لازمن ولابد نعلى الاجور والمعاشات والحياه قلبت من بنفسجى الى بمبى هههههه
اشكرك جدا على التعليق وعلى رايك مبنى مديريه الامن كله له تأثير فعال
نورتنا اخى العزيز
إرسال تعليق