مساء الخير عليكم.....
كان صعب مكتبش عن اللى حصل النهارده كل اللى فات كوووم والنهارده كوم تانى خالص ولو حطينا الاكوام على بعضها هيطلع كلام كبير ....
اولا- حدث النهارده الا وهو ماتش الاهلى والترجى والنتيجه المأساويه اللى حصلت ولو ان انا شايفه انه خير عظيم لان لو كانوا كسبوا كانوا هيجيوا متقطعين ,عاده التونسه والجزائريين ولا هيشتروها ,وكون ان الحكم طلع بيشرب شاى بالياسمين من بتاع مرجان احمد مرجان فهنا اقدر اقول .....لا تعليق
ثانيا-كون انهم يقيلوا ابراهيم عيسى ويمنعوا برنامجه علشان مش بيقول حاجه خالص غير صباح الحقيق يامصر .....فلا تعليق
ثالثا-كون ان وزير الخارجيه عالى المقام يرفع قضيه على حمدى قنديل بتهمة السب والقذف ....فلا تعليق
رابعا-كون ان جيهان السادات ترفع قضيه ع محمد حسنين هيكل تتهمه بانه قال ان السادات قتل عبدالناصر.....فلا تعليق
خامسا-كون ان ظباط الشرطه بتوعنا الموقريين ثوصل بيهم الجرأه انهم يضربوا بنات جامعة الازهر ويشتموهم ......فلا تعليق
ساديسا-كون ان الطماطم بقت تقريبا ب 9 جنيه !!!فلا تعليق الا انه كل شىء بيغلى غير البنى ءادم وخطوط الموبايل
سابعا-كون ان مفيش مكان فى البرطمان بتاعنا ,قصدى البرلمان ,بسبب زياده عدد النساء....فلا تعليق
ثامنا- كون ان حسن شحاته مختارش شيكا فى المنتخب هنا بس اقدر اعلق واقول يستاهل اننا خسرنا والله انا كنت حاسه ان حسن شحاته راح النيجر من غير لاعيبه متفهموش هما كانوا بيلفوا حوالين بعض ف الملعب وتقريبا نسيوا انهم بيلعبوا كورة وقالوا نمشيها استغمايه ههه
كفايه كده احسن مصر كمان كلمتين من دول هتموت ف ايدينا وهيبقى شكلها زى البرجر من غير كاتشب هههههه
انا بجد كان وحشنى الكتابه جدا واقلت اكتب حاجه لايت كده ع مانستعيد الذاكره ونشيل من عليها شويه الغبار دول....حلوة حته الغبار دى هههههههه
هناك 12 تعليقًا:
فيييييينك يا سمسم ايه المفاجاه الفظيعه الشنيعه الرهيبه دي
وبعدين انتي عماله تجيبي في سيرة الناس كدا ليه دا حتي الطماطم يا شيخه مسبتيهاش في حالها.
يا شيخه دا انتي مسبتيش حد دا حتي الشاي بالياسمين طيب مش كنتي تجيبي سيرة النسكافيه ينوبك ثواب فيه .
لا تعليق طبعا يا سوسو علي كل ما زكرتي علشان بس الضغط ميعلاش عليا الا الماتش بتاع انهارده دا يا شيخه دا الدققتتين اللي شفتهم لقيت بركات بياخد كارت احمر دمي اتحرق وقمت نمت
يا شيخه اسمتي بقي بتقلبي علينا المواجع وسيبي جيهان وعلي عيسي في حالهم مالكيش دعوه ههههههههههه مش ناقصين
علي رنات بقي
اموووووووووواه
فينك من زمان لازم نتكلم مش هيمنعونا حتى من الكلام
لاتعليق لانى فعلا مش عارف اعلق على كلامك
طيب لما هو لاتعليق
احنا ح نعلق على ايه
اولا : لا تعليق
ثانيا : لا تعليق
ثالثا : ورابعا : وخامسا : وسادسا : وسابعا : وثامنا
لالالالالالالالالالالالالالالالالالالالالالالالالا تعليق
نبقى نسكت احسن ونقووووول يارب
شكرا يا قمر على زيارتك ليا
واسعدنى مرورى لمدونتك
تقبلى مرورى وصداقتى
واخيراااااا تعالوا مع بعض
نقووووول يارب
ههههههههههه
ايه يا مرمر التعليق الجامد دا
معاكى
يااااااااااارب
اللى اقوى من اى حد
بس كيلو الطماطم وصل لعشرة جنيهات يا اوختى مش 9 واللى ب 9 تلاقيها مضروبه
اه والله
تعب قلب
اسعدنى مرورك فى مدونتى وبيت المدونين
نورتينى
اضيف مدونتك منوع ولا ......
شوفى وردى عليا
هضيفها حاليا منوع
تحياتى
مدونتك حلوة اوى :)
ونو كومنت على اى حاجة خالص
معناه اننا مش هنتغير
معناه ان هيفضل ينضحك ويداس علينا :)
تستعيدي ذاكره ايه دنتي لو استعدتي الذاكره هتفقديها تاني من كون وكون وكون دنتي قلبتي موازين الكون
صمت المشاعر
يااختى اسكتى هو انتى يعنى شايفه الكلام بيجيب نتيجه ولا حياة لمن تنادى
وبعدين انتى هتلاقى بركات اخدت كارت احمر اول ماانتى فتحتى الماتش لو مكنتيش شفتيه كان عدى بسلام ههههههه
وسيبى النسكافيه لناسه ومتجيبيش ف سيرته يابنت
وبعدين مين على عيسى ده انا قلت ابراهيم مش على
مين على يابت؟ ههههههههههههه
يلا ع ايميلات ياكتكوته
manoo
انا هنا موجوده والله اشكرك جدا على السؤال
وفعلا مفيش تعليق غير اننا نقول ربنا يخلص من الظلمه فى يوم لا ينفع فيه مال ولا بنون
نورتنى جدا واشكرك ع التعليق
mrmr
انتى بجد اللى نورتينى واكيد يشرفنا صداقتك بجد
وفعلا مفيش حل غير نقول يااااااااااااااااارب
نورتينى ياجميله
الحب الجميل
والله ياحب متفهميش الحكومه ناويه تغلى ايه تانى طب الطماطم واللحمه الحمد لله مش بحبهم لكن لو قربوا ناحيه الفراخ والنسكافيه دى فيها قتل هههههههههه
طبعا يشرفنى اكون معاكم فى البيتوت الجميل ده
وحقيقى نورتينى
همسات وبحر الحياه
والله ياهمسه عندك حق جدا اننا هنفضل يداس علينا بس لامتى الموضوع ده ؟هنفضل لامتى بدون كرامه
يلا عليهم من الله مايستحقون
نورتينى جدا ياهمسه
سواح فى ملك الله
هههههههههه اولا نورتنا جدا ثانيا اشكرك على التعليق اللذيذ ده
وانا مقلتش حاجه خالص مش قلت لا تعليق يعنى بريئه
نورتنا مره تانيه
إرسال تعليق