الاثنين، 22 نوفمبر 2010

ماأكونه هو ماأراه


ماأكونه هو ماأراه....مقوله أحببتها فقمت بكتابتها بجوار صندوق الدنيا بتاعى( الا وهو البريد الالكترونى)
(مااكونه هو ماأراه)ماهذه الفلسفه الغير مفهومه ؟؟!!!كان هذا هو سؤال صديقتى الانترنتيه ونحن جالسين على أرض الياهو نتسامر فى حالنا وحال بلادنا اللى مش عاجب حد ولا حتى عاجب الاخ أوباما والحاشيه المتحده ,المهم ,قلت لصديقتى كيف !!انها مفهومه وواضحه زى عين الشمس فما أكونه هو ماأراه وبدات فى شرح هذه الفلسفه الغير مفهومه كما تدعى صديقتى وقلت لها (يعنى مثلا تكونى انسانه ناجحه لما ترى النجاح امام عينيكى دائما,وتكونى انسانه صادقه لما تشوفى كل شىء حواليكى صادق)والعكس بالعكس يعنى هتشوفى كل شىء جميل لما تكونى جميله وهتشوفى حياتك كلها نجاح لما تكونى ناجحه فعلا ,فكل الطرق تصل الى نفسك انتى وذاتك ماذا تريدين ان ترى حتى تكونى
لكن سؤال صديقتى جعلنى أفكر اكثر فى هذه المقوله هل حقا مااكونه هو ماأراه أم مايراه القدر والنصيب أم ما يراه الناس أم ما تراه الدنيا ؟؟؟؟؟؟؟؟؟؟فمثلا فى قضيه الاحلام جميعنا بالطبع يحلم بان يكون ويكون ويكون, لكن التساؤل هنا هل فعلا ماأصبحناا فيه هو بفعل رؤيتنا ام بفعل القدر ,فرؤيتنا لانفسنا قد تكون واضحه الى حد بعيد ومن ثم نحاول ان نكون ,لكن رؤيه القدر لنا تكاد تكون مختلفه ومن ثم لا نستطيع ان نكون كما نتمنى ان نكون ولكن نكون كما يريد القدر ان نكون .كذلك هو حالنا مع البشر والبيئه المحيطه بينا فجميعنا يتمنى ان يكون انسان معين او مختلف فى الطباع او الاسلوب او الاخلاق ولكن للاسف ليس بمقدورنا ان نكون كما نتمنى ان نكون ولكن نكون كما يحبه البشر ان نكون (هذه يااصدقائى هيا التأثر بالبيئه المحيطه التى نندمج فيها لدرجه اننا قد ننسى ماذا كنا نتمنى ان نكون)
هل حقا بامكاننا ان نحقق كل مانراه صالحا لنا أم تنطبق مقوله ليس كل مايتمناه المرء يدركه فأى المقولتين أدق وأصدق ؟؟؟!!
فكثيرا منا رأى ان يكون وزيرا او رئيسا لبلده او طبيبا فالجميع يرى انه اصلح شخص لهذا المنصب الذى يتمناه لكن من منا رأى أن يكون وزيرا وأصبح كذلك بالفعل ؟ومن منا رأى ان يكون رئيسا لبلده وأصبح كذلك بالفعل(هههههههههههه اهو هنا بالذات يستحيل نكون كما نرى فى ظل البنتجان والمهلبيه بتوعنا قصدى فى الانتخابات والبرلمان بتاعنا)
مااريد ان اصل له ان ليس بالشرط ان مااكونه هو مااراه ولكن قد يكون مايراه القدر ولست أنا

طبعا محدش فاهم حاجه لان انا شخصيا مش فاهمه هو فى ايه ؟؟؟يلا احنا داخلين ع انتخابات والواحد دماغه ضربت من كتر المرشحين (هههههه بلد ملهاش ظابط )

هناك 39 تعليقًا:

سواح في ملك اللــــــــــــــــــه- يقول...

ببساطه فانتي عينك /ينعكس عليكي الجمال
حينما ترين الدنيا والاشياء جميله تحياتي

صمت المشاعر يقول...

بسم الله الرحمن الرحيم

الاجابه مصر ههههههههههههههه في ايه انتي نازله كلام كلام ومحدش عارف يسكتتك
لا بجد الجمله دي فعلا لما قرئتها تركت تاثير فيا وفكرت فيها فعلا بس في اغلب الاوقات لو مثلا الانسان حزين بيشوف الدنيا حزينه ولو سعيده بيشوفها سعيده يعني ببساطه ان ما بداخلنا ينعكس علي رؤيتنا للحياه

ربنا يسعد ايامك يا سمسم وطبعا انتي عارفه انا حالتي عامله ايه دلوقت لانك عدتيني من البرد بتاعك دا من يوم ما شفتك وانا مبطلتش عطس هههههههههههههه

علي رنات بقي

صمت المشاعر يقول...
أزال أحد مشرفي المدونة هذا التعليق.
Tears يقول...

احيانا الانسان بيكون عنده امنيات كتير و بعمل من اجلهم لكن فى النهاية القدر بيقول كلمتة و قد تأتى الرياح بما لا تشتهى السفن

just dream يقول...

سواح فى ملك الله
صح كلامك كن جميلا ترى الوجود جميلا حقا هذه المقوله صادقه
اشكرك جدا على التعليق ونورتنى بزيارتك

just dream يقول...

صمت المشاعر
كلامك صح بس احيانا بيكون جواكى حاله توهان لا انتى سعيده ولا حزينه ولا حتى عارفه انتى عايشه ليه يعنى ذبذبات نفسيه على راى البت زوزو فاكره؟
وبعدين انتى اللى بقيتى رغايه كده ليه وجعتلى دماغى وهيا موجوعه اصلا ههههه
تسلمى ياميمونه ويسعدك يارب ويجعلك ايامك كلها ورد فى ورد والف سلامى عليكى من الانفلونزا انشاالله الناس الوحشين هههههههه
وبعدين قبل ماتمشى قلتلك هتتعبى وبعدين هو فيرس ماشى ع الكل وانا طلعت عينى فيه اشمعنا انتى ع راى اختك هههههههههه
نورتينى وبطلى عطس زى ماكنتى بتقوليلى

just dream يقول...

Tears
هو الاكيد ان الرياح تاتى بما لاتشتهى السفن لاتعلمى هل كان سوء اختيار ولا فعلا فيه حاجات منقدرش نعمل حاجه ليها غير اننا نقف قدامها ونقول نصييييب
نورتنى جدا واشكرك على التعليق الجميل

Carmen يقول...

ههههههههههههههههههههههههه
بصراحة حاولت اربط الكلام ببعضه ماعرفتش بس كل حاجة بتتكلم عن حاجة مفيدة فعلا طبعا نقاط كتير بس بجد بوست جميل واسلوب القائك مشوق تسلم ايدك
تحياتي

الميكروباص يقول...

أنت تريد وأنا أريد والله يفعل ما يريد

just dream يقول...

karmen
هههههههه وهو المطلوب اثباته انا شخصيا مكنتش فاهمه بس اهو كلالالالام هههه
نورتينى جدا ياكارمن بجد وسعيده جدا بزيارتك

just dream يقول...

لورنس العرب
صح كلامك نتمنى زى مانتمنى لكن يقول القدر كلمته فى الاخر
نورتنى جدا وسعيده بالزياره

حنعيش يعنى حنعيش يقول...

بوست محتاج دراسة ... حلو بجد... تسلم ايدك

جايدا العزيزي يقول...

طبعا معروفه

هو فيه غيرها مشغولين بيها

وعايشين ليها

ومهما نتغرب بنعود بشوق ونحضن جدرانها وحواريها

رائعه انت غاليتى

ابدعتى

تحياتى

eng_semsem يقول...

احيانا حياة الواحدمننا الشخصيه بتنعكس على كل الدنيا حواليه لو حس بالفشل مستحيل انه يقتنع انه ممكن ينجح في حاجه تانيه لحد ما ينجح فعلا ساعتها بيحس انه صعب يفشل ولو فشل تاني بيقول انا عارف نفسي وحظي انا فاشل يا اخونا
وليا اعتراض على جمله عندك ايه بلاد مفيهاش ظابط احنا بلادنا بلد الظباط
تقبلي تحياتي

Tamer Nabil Moussa يقول...

بجد بوست مميز

ويميل الى الفلسفة

ودة شىء بجد اكثر من رائع

لان الفلسفة هى نشاط وكما ان الانسان كائن عاقل متحرك فلة الكثير من النشاط فى الكثير من المجالات


كل انسان فينا بيحلم يكون شىء ما

وفى بالصبر والاجتهاد يصل بعد الكثير من المعاناة والمشقة

وفى انسان يتعب ولايطيق الصبر فى ما يتمنى الوصول لة ومن اول صعوبة تواجهة

يخمل ولايكمل ولايسعى الى ما يريد

اشكرك على الزيارة والمعايدة الجميلة منك

والى مزيد من التواصل

ربنا يوفقك ويكرمك

مع خالص تحياتى

طهر فؤادك يقول...

السلام عليكم ورحمة الله بركاتة

ربنا يكرمك يارب والمسلمين

وبشكرك على تشجيعك للمدونة ..

واحب اقوللك كلمتين ان شاء الله نستريح جميعا كلنا لما نعرفهم وهم عن حديث لرسولنا الكريم العظيم صلى الله علية وسلم ...
عن عبد الرحمن بن أبي ليلى عن صهيب قال قال رسول الله صلى الله عليه وسلم عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له ....

بمعنى اوضح ان امرنا كلة خير سواء خير او شر وماعلينا الا الشكر فى الخير والصبر فى الشر

just dream يقول...

حنعيش يعنى حنعيش
ربنا يخليك يادكتور والبوست بيزيده نور بوجودك
اشكرك على التعليق الايت ده

just dream يقول...

جايدا العزيزى
هو بصراحه انا مفهمتش انتى بتتكلمى عن ايه هههههههه بس اكيد دايما منورانى بوجودك وبتعليقك
تسلملى ياحبيبتى يارب ودايما منورانى

just dream يقول...

eng_semsem
اولا منورنا بجد يابشمهندس وحمدالله ع السلامه وحج مقبول ان شاء الله
اما ان بلدنا بلد الظباط فده كان زمان زمن الضباط الاحرار وياريتهم ماحرروها لانها خربت اكتر من الاول
اشكرك على رايك جدا وعلى تواجدك
ودايما مورنا يامهندس

just dream يقول...

Tamer Nabil
اولا برحب بحضرتك جدا استاذ نبيل وبجد منورنا واشكر حضرتك على الراى الجميل وفعلا زى ماقلت فيه معاناه ومشقه وصعوبات وحاجه تجيب الضغط والله بس بالصبر والاجتهاد كله بيبقى تمام
نورتنى للمره التانيه واشكرك على الزياره الجميله

just dream يقول...

طهر فؤادك
وعليكم السلام ورحمه الله وبركاته
بجد منورنا جدا وتعليقك جميل جدا وزى ماقلت لحضرتك الجميل ف مدونتك اننا منخرجش غير واننا استفدنا بشىء
بشكرك جدا على الزياره وع التعليق الجميل ده

غير معرف يقول...

شكرا على البوست المميز

Carmen يقول...

حفلة وانت معزوم تعالي خد هديتك ^_^

http://karmenhome.blogspot.com/2010/11/blog-post_8754.html

فكرة من الزمن ده يقول...

وحشتيني ياسمسمة
كلامك مظبوط
اللي بنشوفه هو ده اللي بنعمل بالاصراروتنمية الذات
لكن مش معنى كده محدش قدر يحقق حلم معين لان لو ما حققهوش يبقى مش مؤمن بالحلم ده لدرجة انه يقدر يحققه
لما الانسان يحلم بحاجة وجزء منه مقتنع ان مستحيل يبقى مستحيل يحقق

تحياي

just dream يقول...

يوميات شحات
ربنا يخليك اشكرك على التعليق وبجد نورتنا

just dream يقول...

karmen
معلش ياكارمن هاجى الحفله بعد ماخلصت بس والله ماكنت فاضيه خالص
نورتينى ياعسسسل وانا جيالك حاااااااالا الحفله سيبيلى هديتى ههه

just dream يقول...

فكره من الزمن ده
فكررررتى فييييييينك يابنتى بطلى بقا اختفاءاتك دى واظهر وباااااان
منورانى بجد برايك وبوجودك وياريت تدخلى تطمنينا عليكى وبطلى تعملى زى كعك العيد ههههههه

Maha Shahen يقول...

مش عارفه كلمه بقولها لما تضرب براسى 60 فكره
بس مش عارفه ما اكونه هوما أراه صح مش يمكن عنيا تخدعنى او تفكيرى يخونى
بس اللي عرفته ان احسن حاجه ان لينا اصحاب بيأيدونا بعنيهم وعقولهم
يأكدو لينا الطريق او يحاولو يبعدونا عنه
نكون زى ما نشوف او زى ما هما يشوفو الاهم نبقى راضيين مرتاحين
يمكن هتبقى حاله وسط بين اللي احنا عايزينه واللي المفروض لينا
برضو مش عارفه بس فكره للتفكير ونفكر ونشوف لو فهنتى حاجه من اللي قولته ابقى قوليلى ههههههههههه
ازيك بقى

محمد سعد القويري يقول...

تحية عطرة معطرة
Attention Please >>>>
المعذرة .. هذا تعليق خارج النص ..
دعوة للمشاركة في
مشروع مقروءاتي الثالث
للمشاركة ولمزيد من التفاصيل .. هنا
http://qweary555.blogspot.com/2010/12/1431.html
ــــــــــــــــــــــــ
وإن شاء الله تكون هذي بداية سلسلة من الزيارات :)

اتمني الشهادة يقول...

مقوله جميله
اعتقد معناها انك ما تكوني الا الي انتي شايفاه ومقتنعه بيه ببساطة لاتكذبي ولا تتجملي داخلك مثل خارجك
علي فكره الناس كلها اتلغبطت في الانتخابات دي
الحمد لله عدت
ربنا يقويقي علي انشغالاتك ويقدرلك الخير

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين

والحمد الله على كل حال وكل امر المؤمن خير ..

وتقبلى مرورى

Maha Shahen يقول...

فينك يا بنتى مختفيه ليه ومشغوله فى ايه يا رب يكون خير
بدعيلك بالتوفيق من كل قلبى مش حب فيكى ههههههههههه قصدت اقول مش حب فيكى وبس لا كمان علشان ترجعى تكتبى لينا الاجمل تانى

just dream يقول...

nour shahen
هههههههههه اه فهمت يانور اولا منورانى جدا ووحشتنى تعليقات الجميله بجد اما ان لينا اصحاب يعينونا معاكى فى ده لكن اللى اقصده انتى نفسك شايفه ايه
بس احلى حاجه فعلا اننا نكون راضيين ومرتاحين هيا دى بالظبط اللى انا عاوزاه
منورانى ياعسل بجد ومتحرمناش من زياراتك

just dream يقول...

محمد سعد القويري

اشكرك على الزياره وان شاء الله نلبى الدعوه
نورتنا

just dream يقول...

اتمني الشهادة
صح كلامك هو فعلا اقصد ان الجوه يكون زى اللى بره
اما الانتخابات معتقدش انها عدت على خير اعتقد هيا بدايه الثوره هههه
واشكرك جدا على دعائك الجميل ومايحرمنا ربنا من دعائك ابدا
وبجد وحشتنا تعليقاتك جدا ياحريه يارب نشوفك دايما على خير

just dream يقول...

طهر فؤادك
ويكرمك انت كمان يارب ويكرم كل المسلمين واكيد امر المؤمن كله خير
بجد منورانا دايما بتعليقاتك الجميله واللى بستفيد منها بجد
نورتنا

just dream يقول...

nour shahen
ههههههههههه ايوه يانور على راى المثل اللى جوه القلب بيطلع زق
عموما انتى عارفه بقى يانور ان مطالب الشعب كتير ومشاكلهم اكتر فانا مش لاقيه وقت خالص ههههههه
لاء انا بخير والله الحمد لله زى القرد متقلقيش بس شويه حاجات كتير دخلت ف بعضها فحاسه بلبخه
دعواتك ياعسل وهنزلك بوست اخر صايحه انتى بس قولى يارب ههههه

غير معرف يقول...

احم احم نحنوا عدنا نياهاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

هههههههه حلوة نحنوا دا وهى فى اللغة المرسيدسية اى العربية للتعظيم والتضخيم ومعرفش هى جات على دماغى ليه لكن مينفعش اسيبها محشورة فى زورى ولازم اقولها نحنوا حلاوة العنتبلى ههههههههههههههههههههههه
عيش وحلاوة هنا يابنى فى ناس محبوسة

just dream يقول...

thunder
هههههههههههههه يابنى ده انا قلت زمانك انت اللى محتاج عيش وحلاوة انا قلت اكيد نفوك لحلايب وشلاتين هههههههههه
الحمد لله انك بخير ويارب دايما كده وتنورنا ع طول بتعليقاتكم الفظيييعه دى هههه
تحياتى اخى العزيز