وحشنى جدا البرنامج والله بس نقول ايه للايام اللى بتفرقنا ؟؟
المهم انا جيتلكم المرة دى بموضوع درامى شويه قلنا نبعد عن القانون والسياسه والكلام اللى مش جايب همه ده
فقلت نقلبها دراما وخلاص ........
سؤالى ليكم بقى ايه اصعب احساس فى الدنيا ممكن نواجهه؟ اكيد هتختلف الاراء البعض هيقول الكره والبعض يقول الخيانه وفيه اللى هيقول الغدر من اعز الناس وتتباين الاراء زى محمكة النقض بالظبط هههههههه بس المهم نستقر على رأى
انا بقى اقولكم اصعب احساس فى الدنيا من وجهة نظرى الشخصيه هو الفراق .......حقيقى مشفتش لسه ولا هشوف اصعب منه
يلا بقى عاوزين نقلبها عيييط كتييير بس حاسبوا احسن المدونه تغرق بينا هههههههه ......انا عارفه مينفعش اكون بتكلم عن الفراق واضحك بس احيانا بيكون الضحك هو الطريق الوحيد اللى يخرجنا من الحاله دى
ماعلينا من موضوع الضحك ده خلينا فى الفراق هههههههه المهم اسيبكم مع التقرير الجاى هعملكم بقى زى منى الشاذلى ههههههه قصيده عن الفراق هى مش قصيده بالمعنى الدقيق بس اهو كلالالام هههههه
الفراق مكتوب علينا
مهما روحنا ومهما جينا
الفراق مكتوب علينا
مهما قلنا ومهما حكينا
ده الفراق مكتوب علينا
ليه يادنيا بتأسى علينا
وتفرقينا عن بعضينا
استحملنا كتير ولا شكينا
بعدنا عن حبايبنا وأهالينا
ده احنا ياما قلنا وغنينا
ان الفراق مكتوب علينا
طلع الفراق أظلم حكم كان علينا
ليه يادنيا بتأسى علينا
وتفرقينا عن بعضينا
نفسى نرجع تانى لبعضينا
وتجمعنا الحدودته و الغنيوه
لو كان الزمان يرجع بينا للى فات
لكن ايامنا بقت شريط من الذكريات
ادينا يادنيانا عايشين
على اهات الذكريات
يادنيتنا متأسيش علينا
ده احنا جرينا جوه حضنك واستخبينا
حمعينا تانى يادنيانا
على الحب والامان والطمانينه
ومتكونيش قاسيه كده علينا
ده الفراق مكتوب علينا......
رجعتلكم بعد التقرير الحززين ده يمكن فعلا شىء صعب اوى نفارق اللى بنحبهم لكن الاصعب انك تكون خايف ومرعوب من اليوم اللى ممكن تفترقوا فيه
احساس قاسى جدا لما تكون عاجز تعمل اى حاجه لاعز الناس وخايف اوى من فراقه بس للاسف متقدرتش تعمل حاجه وفى النهايه لازم هتفترقوا
تتعدد الاسباب والموت واحد وهنا برده ايا ماكان السبب بس النتيجه واحده وهى الفرااااق
ولو قلنا ندعى ونقول يارب متفرقناش عن حبايبنا يبقى بنضحك على نفسينا ؟؟ اصل الفراق مكتوب علينا........
هناك 27 تعليقًا:
لييه ياسمسمه الدراما دي
وايه يابنتي الكلام الجامد دا
بس تصدقي الفراق اصعب شيء في الدنيا
ربنا يبعده عننا
وزي ما قلتي اوقات الضحك بيبقي مفيش ادامنا غيره ليخرجنا من همومنا فبنضحك وخلاص ومش عارفين بنضحك علي ايه وعلي مين بالظبط
خلاص بقي هعيط منك
المهم تاخدي شيكولاته وتسكتي
الفراق شعور صعب للغاية خاصة اذا كان اعز حبيب
..
كلامك جميل ومعبر
احييكى عليه
سلام
ياااااااااااااااااه احساس مؤلم جدااااااا احساس الفراق والله ياسمسمه
بس زى ماقلتى الفراق مكتوب علينا واصعب حاجه فعلا انك تكون خايفه من الللحظه دى او تفكرى فيها من قبل ماتحصل
بس هى دى ستة الحياة وفى الاول والاخر لازم نحسن الظن بربنا ونرضى بالمكتوب علينا
لاننا فى الاول والاخر عايشين فى دنيا مش باقيه لحد
ولازم الكل فيها هيفترق
وبعدين بقى سيبك من جو الحزن ده الواحد مابيصدق ينسى او يتناسى حكايات الفراق والحاجات المؤلمه دى لان بجد لو فكرنا فيها كتير هنتعب اوى ومش هنقدر نعيش
ربنا معاكى ياسمسه
واسال الله رب العرش العظيم ان يفك كربك وان شاء الله تتجمعى انت وكل الناس اللى بتحبيهم على خير قادر على كل شىء
تفائلى خير ان شاء الله
دمتى بكل خير وسعاده اختى الغاليه
لكن الاصعب انك تكون خايف
ومرعوب من اليوم
اللى ممكن تفترقوا فيه
انا هعيط خلاص
لية تعملى فيا كدا
اعاااااااااااااا
ونكمل التقرير
الفراق مكتوب علينا
والخوف كمان بيهد فينا
اى امل يكون بين ادينا
الخوف من فراق اى حد غالى علينا
بيضيع اى طعم للسعادة باقى معانا
دعواتنا مش بتكون غير لتأجيل الفراق لو كان هيحصل او نكون انانين اكتر ونطلب عدم حدوثة
بس للاسف دا لازم يمر على كل القلوب واحنا عارفين كدا
كتبتى كلمات قاسية بجد
انا هرفع قضية بعد كدا على اى مدون يتكلم فى الفراق والاكتئاب قوليلى هو ينفع
هاهاهاهاهاهاهاهاهاهاهاها
تقبلى مرورى
ربنا ما يفرقكيش عن اللى بتحبيهم
وفى انتظار الحلقة القادمة
تحياتى
:((
بجد ده اصعب احساس مر عليا ف دنيتي كلها
قلبتي المواجع يابنتي
اااااااااااااااااااه
اه من الفراق
جرح لم يلتئم
دي صدفة ولا من سوء حظي علشان تتقلب عليا الالام
اخر بوست ليا اسمه الفراق لو تحبي تعرفي ردي عليكي اقريه واقري الخاطرة اللي في نهايته بتتكلم عن نوع من انواع الفراق عانيت منه قريب
خلينا في المعلومات احسن منتظرين البرنامج الجديد
متشيحة حاتم اكاهرة
ايوة الفراق مكتوب علينا
عش ماشئت فإنك ميت وأحبب ما شئت فإنك مفارقة
جيت طالبة منك طلب
حلقة من برنامجك الشيق
تناقشينما فيها في الحكم في قضية طلعت مصطفى
في حاجة في الحجم مش مرياحاني
لكن انا مش خبيرة في القانون لا اعرف فيه الالف من كوز الدرة
فياريت تعملي حلقة بوجهة نظر محايدة ولما تنزل الحلقة تعرفيني علشان اجي اتفرج
تحياتي
؟؟؟؟ فينك يابنتى واية الاختفاء دا اتمنى يارب تكونى بخير ورجعى بقة البرنامج الاذاعى دا والله مفتقدينة
؟؟؟؟
دمتِ بكل حب و ود وفى رعاية الله وحفظه دائما يارب
امر هاااااااام
بجد اسفه جدا جدا على تاخيرى على الرد على مكالمتكم بس والله كنت بمر بايام عصيبه وجه كمان الامتحانات زودت الامور بس الحمد لله ربنا بيسهلها
قلت ادخل بقى اشوف اخواتى عاملين ايه بعد صدمة الامتحان النهارده
صمت المشاعر
مش بقولك وحشتينى اوك يلا هاتى الشيكولاته مع الدوا الكحه اللى كنت باخده هعمل احلى دماااغ هههههه
منورانى ياجميله
مسدس صغير
فعلا الفراق من اصعب الاحاسيس اللى ممكن نشوفها فى حياتنا
ميرسى على رايك الجميل وحقيقى منور البرنامج
صمت الحنين
ياجمال رايك ايه يابنتى انتى بقيتى فيلسوفة العصر وانا مش واخده بالى ولا ايه ههههههه
والله عندك حق ياحنه ولازم فعلا نحسن الظن بالله زى النهارده مثلا ف الامتحان هههههه
يلا ربنا يعديها على خيييير وبجد جزاكى الله كل خير على دعائك الجميل
منورانى دايما والله ياحنه
احساس طفلة محبة للرومانسيه
والله دايما منورانى بكلامك الجميل ده حقيقى كلامك احلى من كلامى بكتيير
اما على موضوع القضيه اينعم انا مليش فى مهنة المحاماه بس نشوفلك محامى كويس كده وابن ناس ونرفعلك قضيه على اى حد يتكلم فى الفراق او اقولك مانؤجر حد يقتله ونخلص هههههه
منورانى بجد
رؤيه
منورانى ياحبيتى والله ويارب انتى كمان ميفرقكيش عن حبايبك يارب
منوره البرنامج والله
مونى الشريف
معلشى يامونى والله كان غصب عنى ان اتكلم عن الفراق بس الحمد لله ربك دايما بيسترهامنورانى يامونى
فكرة من الزمن ده
نورتينى والله وطبعا لازم اجى ازورك فى بيتك واشوف البوست بتاعك بس معلشى لحد مالامتحانات تعدى كده وهتلاقينى عندك على طول لما هتتخنقى منى
نورتينى
well
عندك كل الحق والله عش ماشئت فانك ميت واحبب من شئت فانك مفارقه
حقيقى كلام رااائع
نورت البرنامج بجد
فكرة من الزمن ده
طبعا طلبك على عينى ولو ان مكنتش حابه ان اتكلم فى القضيه دى بس هحاول اعملها علشان خاطرك
وبعدين انتى بتقولى انك مش بتعرفى حاجه فى القانون هرد عليكى واقولك يعنى اللى دارسين قانون هما اللى عارفين
احسن حاجه ان مفيش حد فاهم حاجه ههه
نورتينى بجد
thunder
والله الاختفاء كان غصب عنى بس الايام اللى كنت بمر بيها ده غير طبعا الامتحانات ده كله كووووم وامتحان النهارده كوم تانى خاااالص ههههه ربنا يستر
والله ان شاء الله هعمل حلقه قريب بس اما ربنا يفرجها علينا
بجد دايما بتحرجنى بزوقك وبسؤالك عليا جزاك الله كل خير
ليه نقول أن الفــــــــــراق مكتـــــــــــوب علينـــــــــا والحياة قدامنــــــــا
ليه نســــــــــــــــلم نفســـــــــــــــــــــنا لليأس ونقول أنظلمنـــــــــــــــا
اللى موش عارف يتغير
ايه ده كله حليم مره واحده لالالالالالالا كده مش هينفع خااالص هههههههه
حقيقى نورت المدونه والبرنامج وخصوصا بكلمتين بتوع حليم دول احلى حاجه
السلام عليكم
فعلا الفراق مكتوب علينا مهما روحنا ومهما جينا
بجد الفراق ده اصعب احساس ممكن يحس بيه الانسان
اسلوبك يجنن عجبنى اوى
تحياتى
هى لحظة صعبة
بس ممكن نتحملها ونبدا من جديد
والدنيا مبتقفش على حد
بس فيه ناس مش بيبقوا اى حد
ومبنقدرش نعيش من غيرهم
جوجو
ربنا يخليكى ياحبيبتى وفعلا اصعب احساس ممكن نواجهه
نورتينى ياجوجو والله
حلم بيعافر
انت كده لمست اهم حاجه فى الموضوع ان فيه ناس مش بيكونوا اى حد ومنقدرتش نتخيل حياتنا من غيرهم علشان كده فراقهم اصعب حاجه ممكن نشوفها
نورت البرنامج والله
إرسال تعليق